დავით გამყრელიძე
"ახალი მემარჯვენეების" თავმჯდომარე  2003 -2012  წლებში


www.nrp.ge


დაიბადა 1964 წლის 2 აპრილს თბილისში;

დაამთავრა თბილისის 55–ე საშუალო სკოლა;

1982 –1988 წლებში სწავლობდა თბილისის სახელმწიფო სამედიცინო უნივერსიტეტში;
სპეციალობით ექიმი–პედიატრია;

1985–1989 წლებში მუშაობდა რესპუბლიკურ ბავშვთა საავადმყოფოს ახალშობილთა ინტენსიური თერაპიის და რეანიმაციის განყოფილებაში, ბავშვთა მე–5 კლინიკურ საავადმყოფოში;

1989–1990 წლებში იყო დედოფლისწყაროს რაიონის სოფელ არხილოსკალოს ბავშვთა ნეფროლოგიური სანატორიუმის "არხილოსკალოს" ექიმი–ნეფროლოგი;

1991–99 წლებში იყო მის მიერვე დაფუძნებული შპს სადაზღვევო კომპანია ,,ალდაგის" დირექტორი, ფინანსური დირექტორი, პრეზიდენტი, სამეთვალყურეო საბჭოს თავმჯდომარე;

პარალელურად დავით გამყრელიძე აქტიურ საზოგადოებრივ და პოლიტიკურ საქმიანობას ეწევა: 

1988 წლიდან ჩართული იყო ეროვნულ–განმათავისუფლებელ მოძრაობაში. მეგობრებთან ერთად დააფუძნა ქრისტიანულ–დემოკრატიული ასოციაცია, რომელიც შემდეგ ქრისტიან–დემოკრატიულ კავშირად გადაკეთდა;

www.nrp.ge

1989 წელს საქართველოში მოქმედი ეროვნული–პოლიტიკური ძალების მიერ დაფუძნდა ეროვნული ფორუმი, რომელის ერთ–ერთი დამფუძნებელი იყო ქრისტიან–დემოკრატიული კავშირი. ფორუმში კავშირს დავით გამყრელიძე და ირაკლი კაკაბაძე წარმოადგენდნენ;
ამავე წელს საფრანგეთის ქართული სათვისტომოს ინიციატივით პარიზში გაიმართა საქართველოს დამოუკიდებლობისადმი მიძღვნილი ეროვნული კონგრესი, რომლის მუშაობაშიც მიიღო მონაწილეობა;

1998 წელს არჩეულ იქნა თბილისის საკრებულოს წევრად;
საქართველოს პარლამენტის ორი მოწვევის: 1999–2004 და 2004–2008 წლების მოწვევის პარლამენტის წევრია:

1999 წელს მმართველი პარტიის – მოქალაქეთა კავშირის ინიციატივით, როგორც "ახალი სახე", პარტიული სიით არჩეულ იქნა საქართველოს პარლამენტის წევრად;
იმავე წელს არჩეულ იქნა პარლამენტის ჯანდაცვისა და სოციალურ საკითხთა კომიტეტის თავმჯდომარედ, მაგრამ ექვს თვეში პროტესტის ნიშნად გადადგა თანამდებობიდან;

2000 წელს მეგობრებთან ერთად დააფუძნა "ახალი მოძრაობა";
იმავე წლის 17 სექტემბერს პარლამენტში შეიქმნა ოპოზიციური "ახალი ფრაქცია" , რომლის თავმჯდომარეც იყო დავით გამყრელიძე;

2001 წლის 15 ივნისს "ახალი ფრაქციის", ახალი მოძრაობის და ნეო–კონსერვატიული პარტიის ბაზაზე შეიქმნა პოლიტიკური გაერთიანება "ახალი მემარჯვენეები", რომლის თანათავმჯდომარედაც დავით გამყრელიძე აირჩიეს; 

2003 წლიდან პოლიტიკური გაერთიანება "ახალი მემარჯვენეების" თავმჯდომარეა;

2004–2008 წლების მოწვევის პარლამენტში იყო ფრაქცია "მემარჯვენე ოპოზიციის" თავმჯდომარე;

2008 წლის 4 იანვრის საპრეზიდენტო არჩევნებში კენჭს იყრიდა საქართველოს პრეზიდენტის პოსტზე;

2008 წლის საპარლამენტო არჩევნებში გაიმარჯვა ვაკის მაჟორიტარულ ოლქში, მაგრამ არჩევნების გაყალბების პროტესტის ნიშნად უარი თქვა პარლამენტის წევრობაზე; 

ფლობს რუსულ და ინგლისურ ენებს;

მეუღლე – მარინა მადიჩი, პროფესიით ექიმია. ჰყავს ორი შვილი – ერეკლე, 25 წლის და ნინო – 20 წლის და შვილიშვილი – დავითი.

18 ნოემბერს გამართულმა "ახალი მემარჯვენეების" საიუბილეო ყრილობამ პარტიის თავმჯდომარედ კვლავ დავით გამყრელიძე აირჩია.

www.nrp.ge
FaceBook Twitter Digg MySpace Delicious Google ელფოსტაბეჭდვა
გამოსახულება
ლიდერის გვერდის ვიდეო
აქტუალური თემა
კონსტიტუცია - მაქსიმალური კონსენსუსის შედეგი
კონსტიტუცია - მაქსიმალური კონსენსუსის შედეგი
საქართველოს დამოუკიდებელი არსებობის მანძილზე ყველაზე მთავარი პრობლემა, რომელიც ქვეყნის დემოკრატიას აქვს, კონსტიტუციონალიზმის დეფიციტია.
პირველ რიგში ეს დეფიციტი ვლინდება ყოველი ახალი ხელისუფლების სურვილით ძირფესვიანად შეცვალოს და საკუთარ თავზე მოირგოს კონსტიტუცია. ამის უკანასკნელი მაგალითი იყო ნაციონალური მოძრაობა, რომელმაც 2010 წელს განხორციელებული ცვლილებებით ახალ რეალობას და საკუთარ ინტერესებს მოარგო კონსტიტუცია.
2012 წელს ხელისუფლების არჩევნების გზით შეცვლის შემდეგ შეიქმნა მოლოდინი, რომ დემოკრატიულობაზე პრეტენზიის მქონე ხელისუფლება აღარ ეცდებოდა კონსტიტუციაში ისეთი ცვლილებების განხორციელებას, რომელიც მოემსახურებოდა მმართველი პარტიის ინტერესებს. სამწუხაროდ, ეს მოლოდინი ფუჭი აღმოჩნდა და დომინანტურმა პოლიტიკურმა ძალამ კვლავ პოლიტიკურ კონიუნქტურას დაუქვემდებარა საკონსტიტუციო ცვლილებების კიდევ ერთი, ახალი ეტაპი.
ამ ეტაპსაც, ისევე როგორც სხვა ეტაპებს, თან სდევს ხელისუფლებების პოლიტიკური ცოდნის და პოლიტიკური კულტურის დეფიციტი. ხელისუფლებამ ან არ იცის, ან იგნორირება გაუკეთა კონსტიტუციის მიღების ძირითად პრინციპს - მის გარშემო პოლიტიკურ ძალთა მაქსიმალური კონსენსუნსის აუცილებლობას. ამ ეტაპზეც, ისევე როგორც უახლოეს წარსულში, კონსტიტუციური ცვლილებები ხდება მხოლოდ მმართველი პარტიის გადაწყვეტილებით, ხოლო სხვა ყველა, ხაზს ვუსვამ, ყველა პოლიტიკური ძალა ამ ცვლილებების წინააღმდეგია.
ახლა მოკლედ, იმ საკითხების შესახებ, რომლებიც იწვევენ ყველაზე მეტ წინააღმდეგობას.
[ სრულად ]
ფეისბუქის ფან ბოქსი
« ნოემბერი 2017 »
ორ სა ოთ ხუ პა შა კვ
   1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
  
ლიდერის ფოტოები