როგორც შეხვედრის შემდეგ "მემარჯვენეების" ლიდერმა, დავით გამყრელიძემ განაცხადა, განხილვა იყო ძალიან დეტალური და საგნობრივი, შეეხო ბევრ საკითხს. "მემარჯვენეები" იმედოვნებენ, რომ გარკვეული მათგანი გაზიარებული იქნება.
"ერთ-ერთი მნიშვნელოვანი თემა იყო ორგანული კანონის ცნება და მისი აუცილებელი დატოვება ქვეყნის მთავარ კანონში. ჩვენ დავაყენეთ საკითხი, რომ საგადასახადო და შრომის კოდექსი თავისი სტატუსით ამაღლდეს და გახდეს ორგანული კანონი."

„ალიანსი საქართველოსთვის“ დაშლის მიზეზი იყო ქართული საზოგადოებაც, რომელიც არ აღმოჩნდა მზად დიდი გაერთიანებისთვის.“მას შემდეგ, რაც ჩვენ გავერთიანდით, ჟურნალისტები და საზოგადოების ზოგი წევრი ამბობდნენ, რომ „ახალმა მემარჯვენეებმა“ და „რესპუბლიკელებმა“ – ურეიტინგო პარტიებმა ირაკლი ალასანიას მხარს ამოფარება და ამით რეიტინგის შენარჩუნება გადაწყვიტეს, რაც არის აბსოლუტური აბსურდი. „ახალ მემარჯვენეებს“ არანაირი პრობლემა არ გვაქვს და ამას საზოგადოებას მალე დავუმტკიცებთ. ჩვენ სექტემბერში გვექნება დიდი ყრილობა, სადაც ჩვენს მომავალ გეგმებზე ვისაუბრებთ, მაგრამ აქვე შემიძლია გითხრათ, რომ „ახალი მემარჯვენეები“ მომავალ არჩევნებში დამოუკიდებლად აპირებენ მონაწილეობის მიღებას. მე მქონდა სურვილი იმ ოთხი პარტიის ბაზაზე, რომლებიც „ალიანსში“ შედიოდნენ, ერთი დიდი, ევროპული დონის, მკაცრად სტრუქტუირებული, შიდა დემოკრატიის მქონე პარტია ჩამოყალიბებულიყო. თუმცა ამისთვის არც საზოგადოების დაკვეთა არსებობდა და არც „ალიანსში“ შემავალი ლიდერების სურვილი.“