ინტერვიუ მამუკა კაციტაძესთან. გაზეთი „რეზონანსი“, 20 ივლისი, 2010
10 ოპოზიციური (როგორც არასაპარლამენტო, ასევე საპარლამენტო) პარტია სპეციალური განცხადებით კონსტიტუციაში ცვლილებების შეტანას მოითხოვს. "ქვეყნის კონსტიტუცია აუცილებლად საჭიროებს სერიოზულ ცვლილებებს. კონსტიტუცია უნდა იყოს საზოგადოებრივი, პოლიტიკური და სამოქალაქო თანხმობის დოკუმენტი, რომელიც უნდა გამოხატავდეს არა მხოლოდ ერთი პარტიის, არამედ ყველა პოლიტპარტიისა და მთელი საზოგადოების ნებას", - აცხადებს "მთელ კვირასთან" საუბრისას "მემარჯვენე" მამუკა კაციტაძე. საბოლოოდ აღნიშნულ განცხადებას ახალი საპარლამენტო არჩევნების ჩატარების აუცილებლობამდე მივყავართ, რადგან, როგორც კაციტაძე ჩვენთან საუბრისას აცხადებს, ახალი კონსტიტუციის მიღება დღეს არსებულ ერთპარტიულ პარლამენტს არ შეუძლია. განცხადების ტექსტს "მთელი კვირა" აქვე გთავაზობთ.
მამუკა კაციტაძე: "ეს განცხადება გამოხატავს ერთიან პოზიციას პოლიტიკური ოპოზიციის წარმომადგენლების მხრიდან. მას ხელს აწერს 10 პოლიტიკური ორგანიზაცია, როგორც არასაპარლამენტო, ასევე საპარლამენტო ოპოზიცია.
"მთელი კვირა": რა არის განცხადების მიზანი?
მამუკა კაციტაძე: მიზანი არის გამოხმაურება იმ პოლიტიკური პროცესის მიმართ, რომელსაც ჰქვია საკონსტიტუციო ცვლილებების განხორციელების დაგეგმვა ხელისუფლების მიერ, რომელიც ჯერ კიდევ წელიწადზე მეტია, სახელმწიფო საკონსტიტუციო კომისიის შექმნით დაიწყო და, რომელიც გეგმის მიხედვით მიმდინარე წლის სექტემბერში უნდა დასრულდეს. ანუ ეს არის ამ უმნიშვნელოვანესი პოლიტიკური პროცესის მიმართ გამოხმაურება და ერთიანი პოზიციის დაფიქსირება აღნიშნულ პროცესთან მიმართებაში 10 პოლიტიკური ორგანიზაციის მხრიდან.
http://www.resonancedaily.com/index.php?id_rub=2&id_artc=3003
„ახალი მემარჯვენეების“ ახალგაზრდული ორგანიზაციის წევრებისა და ნორვეგიელი „მემარჯვენეების“ მონაწილეობით ურეკში იმართება სემინარი „დებატების ბანაკი“. „ახალი მემარჯვენეებიდან“ სემინარს 70 ახალგაზრდა მონაწილე ესწრება. 
"ახალი მემარჯვენეების" წარმომადგენელი თბილისის საკრებულოში, დეპუტატი დავით საგანელიძე დედაქალაქის ტყეების უკანონოდ გაჩეხვის პროცესში დამნაშავეების პასუხისმგებლობას ითხოვს. ამის შესახებ საგანელიძემ ჟურნალისტებს საკრებულოში გამართული კომისიების სხდომის შემდეგ განუცხადა, რომელზეც ტყის ფონდიდან ამორიცხული ტყეებისთვის სტატუსის შეცვლის საკითხზე იმსჯელეს.
