მამუკა კაციტაძე: „ჩვენ ვიქცევით სერიოზულ გავლენად ქართულ პოლიტიკაში“
მამუკა კაციტაძე: „ჩვენ ვიქცევით სერიოზულ გავლენად ქართულ პოლიტიკაში“
18 აგვისტოს შეიქმნა ახალი პოლიტიკური პლატფორმა, რომლის სახელწოდებაა "პაატა ბურჭულაძე - მოძრაობა სახელმწიფო ხალხისთვის". პლატფორმაში გაერთიანდნენ "მოძრაობა სახელმწიფო ხალხისთვის", "ახალი მემარჯვენეები", "გირჩი" და "ახალი საქართველო".
როგორც გაერთიანების შესახებ "ახალი მემარჯვენეების" თავმჯდომარემ, და პოლიტიკური პლატფორმის ერთ-ერთმა ლიდერმა მამუკა კაციტაძემ განაცხადა, "ჩვენი მიზანი ნამდვილად არ არის თავის გადარჩენა, ჩვენ ვიქცევით სერიოზულ გავლენად ქართულ პოლიტიკაში".
მისი თქმით, გაერთიანების მთავარი მიზანი არის საერთო იდეოლოგია და ქვეყნის საგარეო პოლიტიკური კურსისკენ სწრაფვა. როგორც მამუკა კაციტაძემ აღნიშნა, პაატა ბურჭულაძე არის რეიტინგული პოლიტიკოსი, რამაც მისი ლიდერობა განაპირობა.
"ჩვენი სურვილი იყო, გაკეთებულიყო დიდი ერთობა, რომელსაც ექნებოდა მყარი საფუძველი, არა ისეთი, უთავბოლო, როგორიც "ქართული ოცნებაა", არამედ დაფუძნებული ყოფილიყო ორ რამეზე - ეს არის საგარეო პოლიტიკა და იდეოლოგია. ყველა ერთობას სჭირდება გამოკვეთილი ლიდერი, რეიტინგული პოლიტიკოსი, ასეთი კი დღეს ნამდვილად არის პაატა ბურჭულაძე. მიხარია, რომ გამოხმაურება იყო მყისიერიც და დადებითიც. ჩვენი მიზანი ნამდვილად არ არის თავის გადარჩენა. ჩვენ ვიქცევით სერიოზულ გავლენად ქართულ პოლიტიკაში", - განაცხადა მამუკა კაციტაძემ.

FaceBook Twitter Digg MySpace Delicious Google ელფოსტაბეჭდვა
აქტუალური თემა
კონსტიტუცია - მაქსიმალური კონსენსუსის შედეგი
კონსტიტუცია - მაქსიმალური კონსენსუსის შედეგი
საქართველოს დამოუკიდებელი არსებობის მანძილზე ყველაზე მთავარი პრობლემა, რომელიც ქვეყნის დემოკრატიას აქვს, კონსტიტუციონალიზმის დეფიციტია.
პირველ რიგში ეს დეფიციტი ვლინდება ყოველი ახალი ხელისუფლების სურვილით ძირფესვიანად შეცვალოს და საკუთარ თავზე მოირგოს კონსტიტუცია. ამის უკანასკნელი მაგალითი იყო ნაციონალური მოძრაობა, რომელმაც 2010 წელს განხორციელებული ცვლილებებით ახალ რეალობას და საკუთარ ინტერესებს მოარგო კონსტიტუცია.
2012 წელს ხელისუფლების არჩევნების გზით შეცვლის შემდეგ შეიქმნა მოლოდინი, რომ დემოკრატიულობაზე პრეტენზიის მქონე ხელისუფლება აღარ ეცდებოდა კონსტიტუციაში ისეთი ცვლილებების განხორციელებას, რომელიც მოემსახურებოდა მმართველი პარტიის ინტერესებს. სამწუხაროდ, ეს მოლოდინი ფუჭი აღმოჩნდა და დომინანტურმა პოლიტიკურმა ძალამ კვლავ პოლიტიკურ კონიუნქტურას დაუქვემდებარა საკონსტიტუციო ცვლილებების კიდევ ერთი, ახალი ეტაპი.
ამ ეტაპსაც, ისევე როგორც სხვა ეტაპებს, თან სდევს ხელისუფლებების პოლიტიკური ცოდნის და პოლიტიკური კულტურის დეფიციტი. ხელისუფლებამ ან არ იცის, ან იგნორირება გაუკეთა კონსტიტუციის მიღების ძირითად პრინციპს - მის გარშემო პოლიტიკურ ძალთა მაქსიმალური კონსენსუნსის აუცილებლობას. ამ ეტაპზეც, ისევე როგორც უახლოეს წარსულში, კონსტიტუციური ცვლილებები ხდება მხოლოდ მმართველი პარტიის გადაწყვეტილებით, ხოლო სხვა ყველა, ხაზს ვუსვამ, ყველა პოლიტიკური ძალა ამ ცვლილებების წინააღმდეგია.
ახლა მოკლედ, იმ საკითხების შესახებ, რომლებიც იწვევენ ყველაზე მეტ წინააღმდეგობას.
[ სრულად ]
რონალდ რეიგანი
ძალაუფლების კონცენტრირება ყოველთვის თავისუფლების მტერი იყო.
ფეისბუქის ფან ბოქსი
« ივლისი 2017 »
ორ სა ოთ ხუ პა შა კვ
      1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31