„ახალი მემარჯვენეების“ VII ყრილობის რეზოლუცია
„ახალი მემარჯვენეების“ VII ყრილობის რეზოლუცია
19 დეკემბერი, ბაზალეთი
ჩვენი პოლიტიკური საქმიანობის 15 წლის მანძილზე "ახალმა მემარჯვენეებმა" თავი დავიმკვიდრეთ პოლიტიკურ ძალად, რომლისთვისაც მნიშვნელოვანია დემოკრატიული პრინციპების, იდეოლოგიური ხედვების და რაც მთავარია, ქვეყნის ერთგულება.
ჩვენთვის ისევე, როგორც 2001 წლის 15 ივნისს - პარტიის დაბადების დღეს, კვლავ უმთავრეს ღირებულებებად რჩება პიროვნების თავისუფლება, კანონის უზენაესობა, კერძო საკუთრების ხელშეუხებლობა და თავისუფალი მეწარმეობა, თანაბარი შესაძლებლობები ადამიანებისათვის და სოციალური სამართლიანობა, ტრადიციები და ეროვნული ფასეულობები. უცვლელი რჩება საგარეო პოლიტიკური ორიენტირიც - ევროპულ და ევროატლანტიკურ სტრუქტურებში ინტეგრაცია.
მიგვაჩნია, რომ ევროკავშირის ქვეყნებში უვიზო მიმოსვლასთან დაკავშირებით ევროკომისიის დადებითი დასკვნა სწორედ იმ იდეების ხორცშესხმაა, რომლისთვისაც "ახალი მემარჯვენეები" წლების მანძილზე ვიღწვოდით. ჩვენი წვლილიცაა იმაში, რომ საქართველოს მოსახლეობისთვის ევროპული არჩევანის შედეგები უკვე ხელშესახები გახდა.
ჩვენ შეგვიძლია ამაყი ვიყოთ, რომ არასოდეს გვიღალატია ამ პრინციპებისთვის და მიუხედავად ქარტეხილებისა, რომელიც გამოიარა ქვეყანამ და მასთან ერთად ჩვენც, კვლავ ვრჩებით კვალიფიციურ პოლიტიკურ ძალად, რომლისგანაც ყოველთვის ელიან პროგრესულს, სამართლიანს და საიმედოს.
საქართველოში ბოლო წლებში მოვლენების განვითარებამ ნათლად დაგვანახა, რომ ქვეყნის განვითარების შემაფერხებელ ფაქტორად იქცა ის პრობლემები, რომელიც ხელისუფლების სათავეში დაუბალანსებელი ლიდერის, ე.წ. "მესიის" მოსვლას ახლავს თან. ადრე თუ გვიან იწყება დაუბალანსებელი ხელისუფლების ბოროტად გამოყენება, რაც დაადასტურა როგორც 2003 წლის "ვარდების რევოლუციის" შედეგად პოპულისტი მიხეილ სააკაშვილის, ისე 2012 წლის არჩევნების შემდეგ მილიარდერ ბიძინა ივანიშვილის მოსვლამ ხელისუფლებაში.
დღეს არსებული მდგომარეობა ქვეყანაში: მოსახლეობაში არსებული აპათია, სრული ნიჰილიზმი, ეკონომიკის სტაგნაცია, უმუშევრობა, სოციალური სიდუხჭირე, ლარის გაუფასურება, ფასებისა და ტარიფების ზრდა იმ ხელისუფლების არაკვალიფიციურობის, არაკომპეტენტურობის, ნეპოტიზმის, არასწორი საკადრო პოლიტიკის ბრალია, რომელიც არ აურჩევია ქართველ ხალხს, არამედ დაგვიტოვა დიდი ძალაუფლებით აღჭურვილმა არაფორმალურმა მმართველმა.
ნაცვლად დემოკრატიული მმართველობისა, სადაც ხელისუფლების შტოებს შორის არის ბალანსი და ურთიერთშეკავება, ურზუნველყოფილია თავისუფალი და სამართლიანი არჩევნები, კანონის უზენაესობა, მართლმსაჯულების სისტემის დამოუკიდებლობა, საკუთრების უფლება, სიტყვის და მედიის თავისუფლება, ადამიანის უფლებები და გამჭვირვალეობა, ჩვენ მივიღეთ კვლავ ჰიბრიდული, არაფუნქციონირებადი დემოკრატია, რომელიც შორს არის ქართველი ხალხის მისწრაფებისგან - იცხოვროს ევროპული დემოკრატიის და ეროვნული ღირებულებების მქონე სახელმწიფოში და გახდეს ცივილიზებული სამყაროს განუყოფელი ნაწილი.
ქართველი ხალხის არჩევანი და ოცნება არ ყოფილა გაჩერებული და მსოფლიოს რადარებიდან გამქრალი საქართველო, ისევე როგორც პრორუსული განწყობების ზრდა ქვეყანაში, რომელსაც სწორედ რუსეთის მიერ აქვს ტერიტორიები ოკუპირებული.
ქართველი ხალხის არჩევანი არ ყოფილა ხელისუფლება, რომელიც პირველ რიგში საკუთარ კომფორტზე, პრემიებზე და სახელფასო დანამატებზე იზრუნებდა და არა მოსახლეობის უმძიმესი სოციალური მდგომარეობის გაუმჯობესებაზე.
ჩვენ, " ახალი მემარჯვენეები", რომლის უკანაც დგას სერიოზული პოლიტიკური გამოცდილება და სახელმწიფოებრივი აზროვნება, ვთვლით, რომ 2016 წლის საპარლამენტო არჩევნებმა ბოლო უნდა მოუღოს არაფორმალურ მმართველობას და დაუბალანსებელი ხელისუფლების არსებობას ქვეყანაში, უნდა შეცვალოს მართვის ის მანკიერი სტილი, რომელიც თავს მოგვახვია არსებულმა ხელისუფლებამ.
ჩვენი ცოდნა და კომპეტენცია, ჩვენი გამართული და პროგრესზე ორიენტირებული პროგრამა გვაძლევს საშუალებას, რომ ხმამაღლა ვისაუბროთ ქვეყანაში არსებული მდგომარეობიდან გამოსვლის გზებზე, იმ ნაბიჯებზე, რომელმაც უნდა უზრუნველყოს 2016 წლის არჩევნების შედეგად ჯანსაღი დემოკრატიული ძალების მოსვლა ხელისუფლების სათავეში და "ქართული ოცნების" მმართველობის დასრულება საქართველოში.
სრულად ვაცნობიერებთ რა დღეს ქვეყანის წინაშე არსებულ პრობლემებს, ჩვენ ვაცხადებთ, რომ ამ ეტაპზე მნიშვნელოვანია სამართლიან და თავისუფალ გარემოში მომავალი საპარლამენტო არჩევნების ჩატარება, პროგრესული, დემოკრატიული ძალების კონსოლიდირება, მათი მოსვლა ხელისუფლებაში და ისეთი სახელმწიფოს მშენებლობა, რომელშიც ყველასთვის უზრუნველყოფილი იქნება კეთილდღეობა, უსაფრთხოება და ძირითადი უფლებებისა და თავისუფლებების დაცვა.
ჩვენ ვიცით ჩვენს მოქალაქეებთან ერთად, რომელთათვისაც ძვირფასია სამშობლო დემოკრატიული ღირებულებები, პროგრესი, დასავლური ინტეგრაცია, როგორ ვაქციოთ ჩვენი შესანიშნავი ქვეყანა წარმატებულ სახელმწიფოდ, როგორ შევუქმნათ ჩვენს ახალგაზრდა თაობას პირობები ხარისხიანი განათლების მისაღებად, ჩვენს მოსახლეობას - მაღალანაზღაურებადი სამუშაო ადგილები, ხანდაზმულებს - ღირსეული და დაფასებული სიბერე, როგორ მივაღწიოთ, რომ ადამიანი მართლაც იქცეს ქვეყნის უმნიშვნელოვანეს ღირებულებად.
ამისთვის აუცილებელია ახალი სახეების, განსაკუთრებით ახალგაზრდობის მოსვლა პოლიტიკაში, რაზეც ჩვენ, "ახალი მემარჯვენეები" სერიოზულად ვფიქრობთ და ვდგამთ კონკრეტულ ნაბიჯებს.
ვპირდებით საქართველოს მოსახლეობას, რომ მათთან ერთად ყველაფერს გავაკეთებთ ამ მიზნების მისაღწევად.
FaceBook Twitter Digg MySpace Delicious Google ელფოსტაბეჭდვა
აქტუალური თემა
კონსტიტუცია - მაქსიმალური კონსენსუსის შედეგი
კონსტიტუცია - მაქსიმალური კონსენსუსის შედეგი
საქართველოს დამოუკიდებელი არსებობის მანძილზე ყველაზე მთავარი პრობლემა, რომელიც ქვეყნის დემოკრატიას აქვს, კონსტიტუციონალიზმის დეფიციტია.
პირველ რიგში ეს დეფიციტი ვლინდება ყოველი ახალი ხელისუფლების სურვილით ძირფესვიანად შეცვალოს და საკუთარ თავზე მოირგოს კონსტიტუცია. ამის უკანასკნელი მაგალითი იყო ნაციონალური მოძრაობა, რომელმაც 2010 წელს განხორციელებული ცვლილებებით ახალ რეალობას და საკუთარ ინტერესებს მოარგო კონსტიტუცია.
2012 წელს ხელისუფლების არჩევნების გზით შეცვლის შემდეგ შეიქმნა მოლოდინი, რომ დემოკრატიულობაზე პრეტენზიის მქონე ხელისუფლება აღარ ეცდებოდა კონსტიტუციაში ისეთი ცვლილებების განხორციელებას, რომელიც მოემსახურებოდა მმართველი პარტიის ინტერესებს. სამწუხაროდ, ეს მოლოდინი ფუჭი აღმოჩნდა და დომინანტურმა პოლიტიკურმა ძალამ კვლავ პოლიტიკურ კონიუნქტურას დაუქვემდებარა საკონსტიტუციო ცვლილებების კიდევ ერთი, ახალი ეტაპი.
ამ ეტაპსაც, ისევე როგორც სხვა ეტაპებს, თან სდევს ხელისუფლებების პოლიტიკური ცოდნის და პოლიტიკური კულტურის დეფიციტი. ხელისუფლებამ ან არ იცის, ან იგნორირება გაუკეთა კონსტიტუციის მიღების ძირითად პრინციპს - მის გარშემო პოლიტიკურ ძალთა მაქსიმალური კონსენსუნსის აუცილებლობას. ამ ეტაპზეც, ისევე როგორც უახლოეს წარსულში, კონსტიტუციური ცვლილებები ხდება მხოლოდ მმართველი პარტიის გადაწყვეტილებით, ხოლო სხვა ყველა, ხაზს ვუსვამ, ყველა პოლიტიკური ძალა ამ ცვლილებების წინააღმდეგია.
ახლა მოკლედ, იმ საკითხების შესახებ, რომლებიც იწვევენ ყველაზე მეტ წინააღმდეგობას.
[ სრულად ]
პლატონი
გმირი ასეულებში იბადება, ბრძენი კაცი ათასეულებში თუ მოინახა, მაგრამ ორივე ერთად შესაძლოა ასეულობით ათასშიც კი ვერ მოიძებნოს
ფეისბუქის ფან ბოქსი
« ივლისი 2017 »
ორ სა ოთ ხუ პა შა კვ
      1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31