ივანე კაპანაძე: კულისებში საუბარმა, რომ პარლამენტი ქუთაისიდან უნდა გადავიდეს, ბიზნესს ხელი შეუშალა
ივანე კაპანაძე: კულისებში საუბარმა, რომ პარლამენტი ქუთაისიდან უნდა გადავიდეს, ბიზნესს ხელი შეუშალა

"ახალი მემარჯვენეების" ქუთაისის ორგანიზაციის თავმჯდომარე - კულისებში საუბარმა, რომ პარლამენტი ქუთაისიდან უნდა გადავიდეს, ბიზნესს ხელი შეუშალა ჩვენ გვინდა ქუთაისში ვიცოცხლოთ და ვიცხოვროთ, არ გვინდა წასვლა ამ ქალაქიდან, ძალიან გვტკივა პარლამენტის გადატანის საკითხი, - ასე მიმართა "ახალი მემარჯვენეების" წევრმა ივანე კაპანაძემ ქუთაისში, საკონსტიტუციო კომისიის საყოველთაო სახალხო განხილვაზე მმართველ გუნდს.
მისი თქმით, ქუთაისის გამოცოცხლებას ხელს უშლის კულისებში ლაპარაკი პარლამენტის გადატანასთან დაკავშირებით.
"ქუთაისელებს ძალიან გვტკივა ეს საკითხი. ველოდით, რომ ქუთაისი გამოცოცხლდებოდა საპარლამენტო დედაქალაქად გამოცხადებისას, მაგრამ ამ პროცესს ხელი თავიდანვე შეუშალა კულისებში საუბარმა, რომ ქუთაისიდან უნდა გადავიდეს პარლამენტი. ამან ხელი შეუშალა ბიზნესს. ჩვენ გვინდა ქუთაისში ვიცოცხლოთ და ვიცხოვროთ, არ გვინდა წასვლა ამ ქალაქიდან. ყველა ვფიქრობთ რომელ ქვეყანაში წავიდეთ. რეგიონებს მეტი ყურადღება სჭირდებათ", - განაცხადა კაპანაძემ.

სააგენტო "ინტერპრესნიუსის" მასალა

FaceBook Twitter Digg MySpace Delicious Google ელფოსტაბეჭდვა
აქტუალური თემა
კონსტიტუცია - მაქსიმალური კონსენსუსის შედეგი
კონსტიტუცია - მაქსიმალური კონსენსუსის შედეგი
საქართველოს დამოუკიდებელი არსებობის მანძილზე ყველაზე მთავარი პრობლემა, რომელიც ქვეყნის დემოკრატიას აქვს, კონსტიტუციონალიზმის დეფიციტია.
პირველ რიგში ეს დეფიციტი ვლინდება ყოველი ახალი ხელისუფლების სურვილით ძირფესვიანად შეცვალოს და საკუთარ თავზე მოირგოს კონსტიტუცია. ამის უკანასკნელი მაგალითი იყო ნაციონალური მოძრაობა, რომელმაც 2010 წელს განხორციელებული ცვლილებებით ახალ რეალობას და საკუთარ ინტერესებს მოარგო კონსტიტუცია.
2012 წელს ხელისუფლების არჩევნების გზით შეცვლის შემდეგ შეიქმნა მოლოდინი, რომ დემოკრატიულობაზე პრეტენზიის მქონე ხელისუფლება აღარ ეცდებოდა კონსტიტუციაში ისეთი ცვლილებების განხორციელებას, რომელიც მოემსახურებოდა მმართველი პარტიის ინტერესებს. სამწუხაროდ, ეს მოლოდინი ფუჭი აღმოჩნდა და დომინანტურმა პოლიტიკურმა ძალამ კვლავ პოლიტიკურ კონიუნქტურას დაუქვემდებარა საკონსტიტუციო ცვლილებების კიდევ ერთი, ახალი ეტაპი.
ამ ეტაპსაც, ისევე როგორც სხვა ეტაპებს, თან სდევს ხელისუფლებების პოლიტიკური ცოდნის და პოლიტიკური კულტურის დეფიციტი. ხელისუფლებამ ან არ იცის, ან იგნორირება გაუკეთა კონსტიტუციის მიღების ძირითად პრინციპს - მის გარშემო პოლიტიკურ ძალთა მაქსიმალური კონსენსუნსის აუცილებლობას. ამ ეტაპზეც, ისევე როგორც უახლოეს წარსულში, კონსტიტუციური ცვლილებები ხდება მხოლოდ მმართველი პარტიის გადაწყვეტილებით, ხოლო სხვა ყველა, ხაზს ვუსვამ, ყველა პოლიტიკური ძალა ამ ცვლილებების წინააღმდეგია.
ახლა მოკლედ, იმ საკითხების შესახებ, რომლებიც იწვევენ ყველაზე მეტ წინააღმდეგობას.
[ სრულად ]
ილია ჭავჭავაძე
ავი კაცი რამდენადაც მეცნიერია, დიდი სწავლული, იმოდენად უფრო ძლიერ საშიშია,უფრო ძლიერ მავნებელია
ფეისბუქის ფან ბოქსი
« ნოემბერი 2017 »
ორ სა ოთ ხუ პა შა კვ
   1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30