მამუკა კაციტაძე - მოქმედი პარლამენტი საქართველოს პრეზიდენტის არჩევის უფლებამოსილებით არავის აურჩევია
მამუკა კაციტაძე - მოქმედი პარლამენტი საქართველოს პრეზიდენტის არჩევის უფლებამოსილებით არავის აურჩევია
ამის შესახებ საარჩევნო გარემოს გაუმჯობესებაზე მომუშავე, კვალიფიციური პარტიების საკოორდინაციო საბჭოს სამუშაო შეხვედრის დასრულების შემდეგ "ახალი მემარჯვენეების" ლიდერმა, მამუკა კაციტაძემ განაცხადა. მამუკა კაციტაძის განმარტებით, საარჩევნო გარემოს გაუმჯობესებაზე მომუშავე, კვალიფიციური პარტიების საკოორდინაციო საბჭოს მორიგ სამუშაო შეხვედრაზე საარჩევნო სისტემებთან დაკავშირებით იმსჯელეს და სუბიექტები საპრეზიდენტო და საპარლამენტო სისტემების საკუთარ ვერსიაზე ჩამოყალიბდნენ.
მისივე თქმით, აღნიშნულ ვერსიებს საბჭო საკონსტიტუციო კომისიას და ხელისუფლებას წარუდგენს. ამასთან, კაციტაძის თქმით, საბჭო ორი მიმართულებით საპრეზიდენტო და საპარლამენტო სისტემაზე მუშაობს.
"ჩვენი შეჯერებული ვერსია საპრეზიდენტო არჩევნებთან მიმართებაში გულისხმობს იმას, რომ პრეზიდენტი უნდა იყოს არჩეული საყოველთაო წესით. არც კი განვიხილავთ ვერსიას, რომ საქართველოს პარლამენტმა 2018 წელს აირჩიოს პრეზიდენტი იმ არგუმენტით, რომ ეს პარლამენტი ამ უფლებამოსილებით არავის აურჩევია. შემდგომაც, ჩვენი მოსაზრებაა, რომ პრეზიდენტს უნდა ჰქონდეს მაღალი ლეგიტიმაცია მიუხედავად იმისა რა კომპეტენციები დარჩება. რაც შეეხება საპარლამენტო სისტემას, ჩვენ ვეთანხმებით ხელისუფლებას, რომ პარლამენტი უნდა იყოს არჩეული ერთიანი პროპორციული წესით, უბრალოდ აქ არის დეტალები-როგორ უყურებს ასეთ შემთხვევაში პარლამენტი მანდატების განაწილებას, როგორ უყურებს ბარიერის შემცირებას პარლამენტში შემსვლელ საარჩევნო სუბიექტებთან მიმართებაში და როგორია მათი დამოკიდებულება ბლოკებისადმი", - განაცხადა მამუკა კაციტაძემ.

("ინტერპრესნიუსის"ინფორმაცია 09.03.2017)
FaceBook Twitter Digg MySpace Delicious Google ელფოსტაბეჭდვა
აქტუალური თემა
კონსტიტუცია - მაქსიმალური კონსენსუსის შედეგი
კონსტიტუცია - მაქსიმალური კონსენსუსის შედეგი
საქართველოს დამოუკიდებელი არსებობის მანძილზე ყველაზე მთავარი პრობლემა, რომელიც ქვეყნის დემოკრატიას აქვს, კონსტიტუციონალიზმის დეფიციტია.
პირველ რიგში ეს დეფიციტი ვლინდება ყოველი ახალი ხელისუფლების სურვილით ძირფესვიანად შეცვალოს და საკუთარ თავზე მოირგოს კონსტიტუცია. ამის უკანასკნელი მაგალითი იყო ნაციონალური მოძრაობა, რომელმაც 2010 წელს განხორციელებული ცვლილებებით ახალ რეალობას და საკუთარ ინტერესებს მოარგო კონსტიტუცია.
2012 წელს ხელისუფლების არჩევნების გზით შეცვლის შემდეგ შეიქმნა მოლოდინი, რომ დემოკრატიულობაზე პრეტენზიის მქონე ხელისუფლება აღარ ეცდებოდა კონსტიტუციაში ისეთი ცვლილებების განხორციელებას, რომელიც მოემსახურებოდა მმართველი პარტიის ინტერესებს. სამწუხაროდ, ეს მოლოდინი ფუჭი აღმოჩნდა და დომინანტურმა პოლიტიკურმა ძალამ კვლავ პოლიტიკურ კონიუნქტურას დაუქვემდებარა საკონსტიტუციო ცვლილებების კიდევ ერთი, ახალი ეტაპი.
ამ ეტაპსაც, ისევე როგორც სხვა ეტაპებს, თან სდევს ხელისუფლებების პოლიტიკური ცოდნის და პოლიტიკური კულტურის დეფიციტი. ხელისუფლებამ ან არ იცის, ან იგნორირება გაუკეთა კონსტიტუციის მიღების ძირითად პრინციპს - მის გარშემო პოლიტიკურ ძალთა მაქსიმალური კონსენსუნსის აუცილებლობას. ამ ეტაპზეც, ისევე როგორც უახლოეს წარსულში, კონსტიტუციური ცვლილებები ხდება მხოლოდ მმართველი პარტიის გადაწყვეტილებით, ხოლო სხვა ყველა, ხაზს ვუსვამ, ყველა პოლიტიკური ძალა ამ ცვლილებების წინააღმდეგია.
ახლა მოკლედ, იმ საკითხების შესახებ, რომლებიც იწვევენ ყველაზე მეტ წინააღმდეგობას.
[ სრულად ]
პლატონი
გმირი ასეულებში იბადება, ბრძენი კაცი ათასეულებში თუ მოინახა, მაგრამ ორივე ერთად შესაძლოა ასეულობით ათასშიც კი ვერ მოიძებნოს
ფეისბუქის ფან ბოქსი
« ივლისი 2017 »
ორ სა ოთ ხუ პა შა კვ
      1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31