მანანა ნაჭყებია: „საზოგადოებრივი მაუწყებლის პრობლემა მუდმივად ხელისუფლებების მხრიდან მისი სრულად გაკონტროლების სურვილია და არა არხის ურეიტინგობა“
მანანა ნაჭყებია: „საზოგადოებრივი მაუწყებლის პრობლემა მუდმივად ხელისუფლებების  მხრიდან   მისი სრულად გაკონტროლების სურვილია და არა არხის  ურეიტინგობა“
"ახალი მემარჯვენეების" პოლიტიკურმა მდივანმა მანანა ნაჭყებიამ საზოგადოებრივი არხის პრესკლუბში ბრიფინგი გამართა და საზოგადოებრივი მაუწყებლის ირგვლივ შექმნილ ვითარებაზე ისაუბრა.
მისი თქმით, ყველა ხელისუფლებას ჰქონდა და "ქართულ ოცნებასაც" აქვს სურვილი სრულად გააკონტროლოს მედიასივრცე და მათ შორის, პირველ რიგში საზოგადოებრივი მაუწყებელი. მათთვის ეს არის შესაძლებლობა სახელმწიფო ბიუჯეტის და არა საკუთარი ფინანსური რესურსების ხარჯზე იქონიოს ტელევიზია, რომელიც თავიდან ბოლომდე მხოლოდ სახელისუფლებო ინტერესებს მოემსახურება.

მანანა ნაჭყებიას აზრით, მნიშვნელოვანია ვინ ახორციელებს რეფორმებს და როგორ ახორციელებს. ის, რომ ხელისუფლების მიერ "დანიშნული" ბორდის მიერ შერჩეული გენერალური დირექტორი ოცნებასთან დაახლოებული და ივანიშვილის ყოფილი ტელევიზიის GDშ-ის ერთ-ერთი მმართველი ფიგურაა, ცხადია იწვევს უნდობლობას. კრიტიკას ვერ უძლებს, მეორე საკითხიც, თუ როგორ ახორციელებენ ის და მის მიერ მოყვანილი ადამიანები ამ ე.წ. რეფორმას. პრაქტიკულად არხის ყველა გადაცემის დახურვა და 1200 ადამიანის უმუშევრად დატოვება, ბუნებრივია, არ იწვევს განცდას, რომ ეს საზოგადოებრივი მაუწყებლის ინტერესებს ემსახურება.

"ჩვენ ძალიან ბევრი ვიბრძოლეთ საზოგადოებრივი მაუწყებლისთვის, მაშინ როცა წინა ხელისუფლება მას ოპოზიციის წინააღმდეგ იარაღად იყენებდა და არ დავთმობთ ახლაც, რომ არხი, რომელსაც სრულიად განსაკუთრებული ფუნქცია აქვს, საბოლოოდ , ამჯერად უკვე ახალი ხელისუფლების რუპორად იქცეს. ვიცავდით და დავიცავთ ყველა იმ ადამიანის ინტერესებს, რომელიც არხზე მუშაობს და უმუშევრად დატოვების საფრთხე ემუქრება",- განაცხადა მანანა ნაჭყებიამ.

FaceBook Twitter Digg MySpace Delicious Google ელფოსტაბეჭდვა
აქტუალური თემა
მანანა ნაჭყებია: საჭიროა ხალხთან უფრო ახლოს ყოფნა და მათი პრობლემების  გამომზეურება, მათი თანადგომა.
მანანა ნაჭყებია: საჭიროა ხალხთან უფრო ახლოს ყოფნა და მათი პრობლემების გამომზეურება, მათი თანადგომა.
- საარჩევნო წელი დაიწყო, მოდის თვითმმართველობის არჩევნები-როგორია გარემო, იქნება თუ არა რაიმე ცვლილება ადგილობრივი თვითმმართველობი საარჩევნო კოდექსში, არის თუ არა შანსი პოლიტიკური სპექტრი სხვა ძალებით შეივსოს?
მიუხედავად იმისა, რომ 2012 წელს არჩევნებში გამარჯვებამდე "ქართული ოცნება" მაჟორიტარული სისტემის გაუქმების გულმხურვალე მომხრე იყო, დღეს უკვე ხელისუფლებაში მყოფი პარტია სულაც აღარ ფიქრობს, რომ საარჩევნო სისტემა უნდა შეიცვალოს . შექმნილია საკონსტიტუციო კომისია, რომელმაც საქართველოს კონსტიტუციაში შესატან ცვლილებებს ამზადებს, მათ შორის, საარჩევნო სისტემაში შესატანი ცვლილებებიც იგულისხმება, მაგრამ მე ნაკლებად მაქვს იმედი, რომ ამ ცვლილებებს ხელისუფლება განახორციელებს. ბუნებრივია, მას, ისევე როგორც წინა ხელისუფლებას, არ აწყობს იმ სისტემის გაუქმება, რომელიც საშუალებას აძლევს ამომრჩეველთა ხმების 50 %-ზე ნაკლები მიიღოს, მაგრამ პარლამენტში საკონსტიტუციო უმრავლესობა მოიპოვოს. ასე, რომ, ალბათ საარჩევნო სისტემა, საარჩევნო გარემო არც ადგილობრივი თვითმმართველობის არჩევნებისთვის შეიცვლება და არც 2020 წლის საპარლამენტო არჩევნებისთვის. ხელისუფლება ამ ბერკეტს, რომელიც მას პარლამენტში დამატებით მანდატების მოპოვების საშუალებას აძლევს, არ დათმობს.
შესაბამისად, რაღაც განსაკუთრებულ ცვლილებებს ადგილობრივი თვითმმართველობის არჩევნების შედეგების მიხდევით არ ველოდები. ოცნება ადგილობრივ თვითმმართველობებშიც მოიპოვებს მანდატების უმრავლესობას. დღევანდელი მოცემულობა ასეთია.
[ სრულად ]
არტურ შოპენჰაუერი
ყველა ჭეშმარიტება გადის სამ საფეხურს. თავდაპირველად, მას დასცინიან, შემდეგ მას უხეშად თელავენ და ბოლოს მას აღიარებენ, როგორც უდაო ჭეშმარიტებას.
ფეისბუქის ფან ბოქსი
« თებერვალი 2017 »
ორ სა ოთ ხუ პა შა კვ
   1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28