მამუკა კაციტაძე: „საკონსტიტუციო სასამართლოში შეგვაქვს სარჩელი”
მამუკა კაციტაძე: „საკონსტიტუციო სასამართლოში შეგვაქვს სარჩელი”
მამუკა კაციტაძე: "საკონსტიტუციო სასამართლოში შეგვაქვს სარჩელი რათა პარლამენტმა მაჟორიტარული სისტემის გაუქმების შესახებ უკვე განხილული კანონპროექტი კენჭისყრაზე დააყენოს"
ამის შესახებ სამოქალაქო სექტორთან და ექსპერტულ წრეებთან ოპოზიციური პარტიების საკოორდინაციო ჯგუფის წევრების შეხვედრის შემდეგ "ახალი მემარჯვენეების" თავმჯდომარემ მამუკა კაციტაძემ განაცხადა.მისი თქმით, ოპოზიცია აპირებს მაჟორიტარული სისტემის გაუქმების მოთხოვნით მათი ინიციატივით მომზადებული კანონპროექტის კენჭისყრაზე დაყენებაზე უარის თქმის გამო საკონსტიტუციო სასამართლოში სარჩელი შეიტანონ.
"ვხვდებით, არასამთავრობო სექტორის და ექსპერტული წრეების წარმომადგენლებს, რათა ჩვენი დოკუმენტი იყოს კონსოლიდირებული, შეთანხმებული და უფრო ფართო წრის მიერ იყოს მხარდაჭერილი. ერთის მხრივ ჩვენი დღევანდელი შეხვედრის მიზანი არის ეს, მეორეს მხრივ არის ძალიან კონკრეტული თემა: ჩვენ ინიცირება გავაკეთეთ 200 ათასი ხელმოწერით, რომ საკონსტიტუციო ცვლილება განხორციელდეს და პარლამენტი კენჭისყრაზეც კი არ აყენებს უკვე განხილული საკითხს. ამიტომ ჩვენ მომავალ კვირას შეგვაქვს საკონსტიტუციო სარჩელი" , - განაცხადა მამუკა კაციტაძემ.
მაჟორიტარული სისტემის გაუქმების მოთხოვნით ოპოზიციამ პარლამენტში კანონპროექტი გასულ წელს შეიტანა. ცვლილებას 200 000 მოქალაქე უჭერს მხარს, რაც მათი ხელმოწერებითაა დადასტურებული. საკითხი პარლამენტში სამივე მოსმენით გავიდა, მაგრამ ახალი მოწვევის პარლამენტი უარს ამბობს უკვე განხილული საკითხი კენჭისყრაზე დააყენოს.
ეს საკითხი დღეს იქნა წამოწეული შეხვედრაზე, რომელზეც ოპოზიციური პარტიების საკოორდინაციო საბჭოს წევრები სამოქალაქო სექტორის და საექსპერტო წრეების წარმომადგენლებს შეხვდნენ. შეხვედრის მიზანი იყო მათ მიერ მომზადებული საკონსტიტუციო ცვლილებების შესახებ დოკუმენტის განხილვა, რომელიც თებერვალში მთავრობას და საკონსტიტუციო კომისიას წარედგინება.

FaceBook Twitter Digg MySpace Delicious Google ელფოსტაბეჭდვა
აქტუალური თემა
კონსტიტუცია - მაქსიმალური კონსენსუსის შედეგი
კონსტიტუცია - მაქსიმალური კონსენსუსის შედეგი
საქართველოს დამოუკიდებელი არსებობის მანძილზე ყველაზე მთავარი პრობლემა, რომელიც ქვეყნის დემოკრატიას აქვს, კონსტიტუციონალიზმის დეფიციტია.
პირველ რიგში ეს დეფიციტი ვლინდება ყოველი ახალი ხელისუფლების სურვილით ძირფესვიანად შეცვალოს და საკუთარ თავზე მოირგოს კონსტიტუცია. ამის უკანასკნელი მაგალითი იყო ნაციონალური მოძრაობა, რომელმაც 2010 წელს განხორციელებული ცვლილებებით ახალ რეალობას და საკუთარ ინტერესებს მოარგო კონსტიტუცია.
2012 წელს ხელისუფლების არჩევნების გზით შეცვლის შემდეგ შეიქმნა მოლოდინი, რომ დემოკრატიულობაზე პრეტენზიის მქონე ხელისუფლება აღარ ეცდებოდა კონსტიტუციაში ისეთი ცვლილებების განხორციელებას, რომელიც მოემსახურებოდა მმართველი პარტიის ინტერესებს. სამწუხაროდ, ეს მოლოდინი ფუჭი აღმოჩნდა და დომინანტურმა პოლიტიკურმა ძალამ კვლავ პოლიტიკურ კონიუნქტურას დაუქვემდებარა საკონსტიტუციო ცვლილებების კიდევ ერთი, ახალი ეტაპი.
ამ ეტაპსაც, ისევე როგორც სხვა ეტაპებს, თან სდევს ხელისუფლებების პოლიტიკური ცოდნის და პოლიტიკური კულტურის დეფიციტი. ხელისუფლებამ ან არ იცის, ან იგნორირება გაუკეთა კონსტიტუციის მიღების ძირითად პრინციპს - მის გარშემო პოლიტიკურ ძალთა მაქსიმალური კონსენსუნსის აუცილებლობას. ამ ეტაპზეც, ისევე როგორც უახლოეს წარსულში, კონსტიტუციური ცვლილებები ხდება მხოლოდ მმართველი პარტიის გადაწყვეტილებით, ხოლო სხვა ყველა, ხაზს ვუსვამ, ყველა პოლიტიკური ძალა ამ ცვლილებების წინააღმდეგია.
ახლა მოკლედ, იმ საკითხების შესახებ, რომლებიც იწვევენ ყველაზე მეტ წინააღმდეგობას.
[ სრულად ]
არტურ შოპენჰაუერი
ყველა ჭეშმარიტება გადის სამ საფეხურს. თავდაპირველად, მას დასცინიან, შემდეგ მას უხეშად თელავენ და ბოლოს მას აღიარებენ, როგორც უდაო ჭეშმარიტებას.
ფეისბუქის ფან ბოქსი
« სექტემბერი 2017 »
ორ სა ოთ ხუ პა შა კვ
     1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30