მამუკა კაციტაძე: ქართულ პოლიტიკაში არსებულ ორპოლუსიანობას ბლოკი "პაატა ბურჭულაძე – სახელმწიფო ხალხისთვის" დაშლის
მამუკა კაციტაძე: ქართულ პოლიტიკაში არსებულ ორპოლუსიანობას   ბლოკი  "პაატა ბურჭულაძე – სახელმწიფო ხალხისთვის" დაშლის
ამის შესახებ "პაატა ბურჭულაძე – სახელმწოფო ხალხისთვის" ბლოკში შემავალი "ახალი მემარჯვენების" თავმჯდომარე მამუკა კაციტაძემ სააგენტო "პირველის" პრეს კლუბში ჟურნალისტებთან განაცხადა.
მამუკა კაციტაძის განმარტებით, ორივე პარტიისთვის – "ქართული ოცნებისა" და "ნაციონალური მოძრაობისთვის" ეს ბლოკი მიუღებელია, რადგან ის არის ერთადერთი ძალა, რომელიც ივანიშვილ-სააკაშვილის მიერ ჩამოყალიბებულ ორპოლუსიანობის პოლიტიკას დაშლით დაემუქრა.
"2012 წელს, ბიძინა ივანიშვილმა გზავნილი გამოუშვა, რომელმაც იმუშავა და 4 წლის განმავლობაში, ქართული პოლიტიკა შექმნა. ეს არის ორპოლუსიანობა მასსა და სააკაშვილს შორის.
ივანიშვილს სააკაშვილის ყოფნა აწყობს, რადგან საფრთხობელა მოწინააღმდეგე სჭირდება. მეორეს მხრივ, "ნაცმოძრაობას" სჭირდება არაკომპეტენტური, ეკლექტური ხელისუფლება, რომელსაც მუდმივად შეეკამათება და მოუგებს.
უნდა შენარჩუნდეს ორპოლუსიანობა, ამიტომ, როგორც კი გამოჩნდა ძალა, რომელმაც შეიძლება, ივანიშვილ-სააკაშვილის ეს კომფორტი დაარღვიოს და ორპოლუსიანობა დაშალოს, ის დარტყმის ობიექტი გახდა. ესაა მიზეზი იმისა, რომ ივანიშვილისთვის ვართ "ნაციონალების" სატელიტები, ხოლო "ნაცმოძრაობისათვის" ივანიშვილის პროექტი",- აღნიშნა კაციტაძემ.

FaceBook Twitter Digg MySpace Delicious Google ელფოსტაბეჭდვა
აქტუალური თემა
მანანა ნაჭყებია: საჭიროა ხალხთან უფრო ახლოს ყოფნა და მათი პრობლემების  გამომზეურება, მათი თანადგომა.
მანანა ნაჭყებია: საჭიროა ხალხთან უფრო ახლოს ყოფნა და მათი პრობლემების გამომზეურება, მათი თანადგომა.
- საარჩევნო წელი დაიწყო, მოდის თვითმმართველობის არჩევნები-როგორია გარემო, იქნება თუ არა რაიმე ცვლილება ადგილობრივი თვითმმართველობი საარჩევნო კოდექსში, არის თუ არა შანსი პოლიტიკური სპექტრი სხვა ძალებით შეივსოს?
მიუხედავად იმისა, რომ 2012 წელს არჩევნებში გამარჯვებამდე "ქართული ოცნება" მაჟორიტარული სისტემის გაუქმების გულმხურვალე მომხრე იყო, დღეს უკვე ხელისუფლებაში მყოფი პარტია სულაც აღარ ფიქრობს, რომ საარჩევნო სისტემა უნდა შეიცვალოს . შექმნილია საკონსტიტუციო კომისია, რომელმაც საქართველოს კონსტიტუციაში შესატან ცვლილებებს ამზადებს, მათ შორის, საარჩევნო სისტემაში შესატანი ცვლილებებიც იგულისხმება, მაგრამ მე ნაკლებად მაქვს იმედი, რომ ამ ცვლილებებს ხელისუფლება განახორციელებს. ბუნებრივია, მას, ისევე როგორც წინა ხელისუფლებას, არ აწყობს იმ სისტემის გაუქმება, რომელიც საშუალებას აძლევს ამომრჩეველთა ხმების 50 %-ზე ნაკლები მიიღოს, მაგრამ პარლამენტში საკონსტიტუციო უმრავლესობა მოიპოვოს. ასე, რომ, ალბათ საარჩევნო სისტემა, საარჩევნო გარემო არც ადგილობრივი თვითმმართველობის არჩევნებისთვის შეიცვლება და არც 2020 წლის საპარლამენტო არჩევნებისთვის. ხელისუფლება ამ ბერკეტს, რომელიც მას პარლამენტში დამატებით მანდატების მოპოვების საშუალებას აძლევს, არ დათმობს.
შესაბამისად, რაღაც განსაკუთრებულ ცვლილებებს ადგილობრივი თვითმმართველობის არჩევნების შედეგების მიხდევით არ ველოდები. ოცნება ადგილობრივ თვითმმართველობებშიც მოიპოვებს მანდატების უმრავლესობას. დღევანდელი მოცემულობა ასეთია.
[ სრულად ]
ვაჟა-ფშაველა
,,მე კი ღმერთმა დამიხსნას და, ზოგის თავში ეს ფიქრი ხანდახან კვამლად გადაიქცევა; ამ კვამლს ოცნებას ვეძახით. თქვენს მტერს რაც ეს კვამლი იმას, ვის თავშიც ასტყდება, ავარდება, საქმეს დაჰმართებს: თვალებს უბრმავებს, ყურებში ბამბას უცობს...
ფიქრიანი და მოსაზრებიანი კაციც ძლიერ უფრთხის ოცნებას,- უფრთხის იმიტომ, რომ ოცნება - ჯერ ერთი, ტვინს ულაყებს კაცსა და მეორე - საქმეს აცდენს...""
ფეისბუქის ფან ბოქსი
« აპრილი 2017 »
ორ სა ოთ ხუ პა შა კვ
      1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30